Футзал бўйича Осиё Кубогининг ярим финалида Ўзбекистон терма жамоаси Эронга қарши баҳс олиб борди ва пенальтилар сериясида мағлубиятга учради.
Учрашувдан сўнг Ўзбекистон футзал терма жамоаси бош мураббийи Хосе Венансио Лопес иштирокида матбуот анжумани ўтказилди.
Бугун иккита тенг кучли рақиблар ўзаро баҳс олиб борди. Учрашув масаласи пенальтилар сериясида ҳал бўлди. Айрим дақиқаларда Эрон кучлироқ ўйин кўрсатди, айниқса экстра-таймларда. Ўша вазиятларда ҳам биз яхши ҳимояландик. Ҳисобда ортда қолаётиб, яна қайта олдик. Рақибимизни Осиё кубоги финалига йўл олгани билан табриклайман.
3-ўрин учун баҳс ҳақида
Тожикистонга қарши учрашув ҳақида гапиришга ҳали эрта. Бугунги ўйинни унутиб, эртадан 3-ўрин учун баҳсга тайёргаликни бошлаймиз.
Учрашувга тайёргарлик ҳақида
Бизнинг дастлабки режамиз, рақиб ўз ҳудудида бўлганда уларга юқори босим уюштиришдан иборат эди. Биз буни айниқса, ўйин бошида жуда яхши уддаладик, бироқ охирига келиб футболчилардаги чарчоқ туфайли жарима майдонимиз яқинида уларда бўш ҳудудлар пайдо бўла бошлади. Шунга қарамасдан, ҳимояда ҳам, ҳужумда ҳам ажойиб ҳаракат қила олдик.3
Хосе Венансио Лопес, Ўзбекистон футзал терма жамоаси бош мураббийи
Ўзбекистон 28 апрель куни Тожикистонга қарши баҳс олиб боради. 3-ўрин учун кечадиган баҳс 13:00 да старт олади.
Изоҳ (0)