O‘zbekiston futzal terma jamoasi bosh murabbiyi: Eron bilan o‘yinga tayyorgarlik ko‘rishga yetarlicha vaqtimiz bo‘lmadi

Futzal bo‘yicha Osiyo Kubogining yarim finalida O‘zbekiston terma jamoasi Eronga qarshi bahs olib boradi.

Uchrashuv oldidan O‘zbekiston terma jamoasi bosh murabbiyi Xose Venansio Lopes ishtirokida matbuot anjumani tashkil etildi. 

Rostini aytsam, Eron bilan o‘yinga tayyorgarlik ko‘rmadik. Chunki kechagi uchrashuvdan so‘ng bunga yetarli vaqtimiz bo‘lgani yo‘q. Biroq raqibimiz jahonning eng kuchli terma jamoalaridan biri ekanini yaxshi bilamiz.

Ularni qanday mag‘lub etish mumkin? Eronlik o‘yinchilarning darajasi juda yuqori va bu jamoani to‘xtatish juda qiyin. O‘ylashimcha, bitta uchrashuvda hamma narsa sodir bo‘lishi mumkin. Biz o‘z maqsadimizga erisha olamiz.

Xose Venansio Lopes, O‘zbekiston terma jamaosi bosh murabbiyi

Eron va O‘zbekiston o‘rtasidagi bahs 26-aprel kuni 19:00 da start oladi. Yana bir yarim final o‘yinida Tailand va Tojikiston o‘ynaydi.