ANORBANK x eMaktab maxsus loyihasining ikkinchi bosqichi g‘oliblari e’lon qilindi

Poytaxtimizdagi Markaziy istirohat bog‘ida ANORBANK hamda eMaktab hamkorligida yo‘lga qo‘yilgan “Besh baholar sizdan, sovg‘alar bizdan” shiori ostidagi maxsus loyihaning ikkinchi bosqichi yakunlari e’lon qilindi.

O‘zbekistondagi birinchi raqamli tijorat banki ANORBANK yosh avlod kelajagi haqida qayg‘urib, uni qo‘llab-quvvatlashda davom etmoqda. O‘quvchilarni yaxshi o‘qishga undash va bilimga chanqoqligini rag‘batlantirish maqsadida ANORBANK eMaktab yagona raqamli ta’lim platformasi bilan birgalikda 2023-yilning oktabr oyida qimmatbaho sovg‘alarni o‘z ichiga olgan maxsus loyihani e’lon qildi.

2024-yilning 23-aprel kuni Toshkentdagi Markaziy istirohat bog‘ida loyihaning ikkinchi bosqichi yakunlari bo‘yicha sovrinli o‘yin bo‘lib o‘tdi. Jarayon ANORBANKning Instagram ijtimoiy tarmog‘idagi sahifasida jonli tarzda efirga uzatildi. Unda yuzdan ortiq qimmatbaho sovg‘alar – Samsung A9 planshetlari, Apple Watch SE smart soatlari, Airpods 2.1 simsiz quloqchinlari, PlayStation 5 o‘yin pristavkalari, shuningdek, Apple iPhone 15 smartfonlari o‘ynaldi.

Sovrinli o‘yinda loyiha shartlarini to‘liq bajargan 1-11-sinf o‘quvchilari va ularning ota-onalari ishtirok etishdi. Shartlarga ko‘ra ular ANORBANK mobil ilovasining ro‘yxatdan o‘tgan foydalanuvchisi bo‘lishlari, o‘yin o‘tkazilayotgan davrda (2024-yil 11-yanvaridan 27-martigacha) AnorBlack yoki UzCard Duo faol bank kartasiga ega bo‘lishlari va albatta yaxshi baholarni to‘plagan bo‘lishlari ko‘zda tutilgan edi. Ikkinchi bosqich natijalari bo‘yicha sovrinlarni qo‘lga kiritishga muvaffaq bo‘lgan g‘oliblarning ismlari bilan ANORBANKning Telegram kanalida tanishishingiz mumkin.

Eslatib o‘tamiz, ayni damda loyihaning uchinchi bosqichi davom etmoqda. U ikki turni o‘z ichiga olgan:

- birinchi tur 2024 yilning 28 martidan 30 apreligacha;

- ikkinchi tur 1 maydan 25 mayga qadar davom etadi.

 Uchinchi bosqichning sovrinlar soni 100 donani tashkil etadi:

- 10 dona Apple iPhone 15 Black smartfonlari;

- 10 dona Apple Watch SE smart soatlari;

- 40 dona Samsung A9 planshetlari;

- 30 dona Lenovo noutbuklari;

- 10 dona Yandex stansiyalari. 

Har bir xohlovchi ota-ona bir vaqtning o‘zida quyidagi shartlarni bajargan holda sovrinli o‘yin ishtirokchisi bo‘lishi mumkin:

-  ANORBANK mobil ilovasining ro‘yxatdan o‘tgan foydalanuvchisi bo‘lishi va Sovrinli o‘yin o‘tkazilayotgan muddat ichida faol bo‘lgan Anor Black va/yoki Uzcard DUO va/yoki Uzcard Kids bank kartalariga ega bo‘lishi;

- sovrinli o‘yin davomida eMaktab tizimiga ulangan bo‘lishi;  

- o‘yinda ishtirok etish uchun eMaktab ilovasida ko‘rsatilgan telefon raqami kartaga ulangan telefon raqamiga mos kelishi kerak.

O'yinda ishtirok etish haqida batafsil ma'lumot bilan ANORBANK rasmiy saytida tanishish mumkin.

Aloqa markazi: 1290

Telegram/anorbank

Instagram.com/anorbank

Facebook.com/anorbank  

Reklama huquqi asosida