Adidas 2025—2026-yilgi mavsumdan boshlab “Liverpul”ning yangi homiysiga aylanadi, deya xabar beradi Sport Business.
Manbaga ko‘ra, nemis kompaniyasi tenderda g‘olib chiqgan va mersisaydliklar bilan 2029—2030-yillar mavsumigacha hamkorlik qiladi.
Shuningdek, Nike va Puma kompaniyalari ham “Liverpul” bilan hamkorlik qilishdan manfaatdor bo‘lgani xabar qilingan.
Nike 2020—2021-yilgi mavsumdan beri Yurgen Klopp jamoasi uchun kiyimlar to‘plami yetkazib beruvchisi bo‘lib kelgan. Kelishuv klubning o‘sha paytdagi ta’minotchisi New Balance bilan sud jarayonidan so‘ng amalga oshirilgan.
33-turdan so‘ng “Liverpul” 74 ochko bilan APLda 2-o‘rinni egallab turibdi. Chempionatda “Arsenal” yetakchilik qilmoqda (77 ochko).
“Liverpul”ning navbatdagi o‘yini safarda “Everton”ga qarshi bo‘ladi. Uchrashuv bugun, 24-aprel kuni bo‘lib o‘tadi.
Izoh (0)