Rossiya Qorabog‘dan olib chiqilgan 2000 ga yaqin harbiylarini Ukrainaga joylashtirishi mumkin. Bu haqda Bild xabar berdi.
Shu haftada Rossiya Tog‘li Qorabog‘dan tinchlikparvar kuchlarini olib chiqishni boshladi. Ular 2020-yilning kuzidan beri u yerda edi. Kontingent 2000 ga yaqin askardan iborat bo‘lgan. Uskunalar bilan birgalikda ular Ozarbayjondan temiryo‘l orqali Dog‘istonga olib kelinadi.
Ochiq ma’lumotlarni tahlil qilish bo‘yicha Bild eksperti Yulian Ryopke ta’kidlaganidek, ushbu kontingent Ukrainaga yuborilishi mumkinligi haqida “ba’zi xavotirlar” mavjud. Tinchlikparvar kuchlar o‘nlab nisbatan yangi BTR-82A zirhli transport vositalari bilan qurollangan. Ryopke avvalroq xabar qilganidek, Ukrainadagi oldingi chiziqda Rossiya armiyasi zamonaviy piyoda jangovar mashinalari va bronetransportyorlarga juda muhtoj.
Izoh (0)