Россия Қорабоғдан олиб чиқилган 2000 га яқин ҳарбийларини Украинага жойлаштириши мумкин. Бу ҳақда Bild хабар берди.
Шу ҳафтада Россия Тоғли Қорабоғдан тинчликпарвар кучларини олиб чиқишни бошлади. Улар 2020 йилнинг кузидан бери у ерда эди. Контингент 2000 га яқин аскардан иборат бўлган. Ускуналар билан биргаликда улар Озарбайжондан темирйўл орқали Доғистонга олиб келинади.
Очиқ маълумотларни таҳлил қилиш бўйича Bild эксперти Юлиан Рёпке таъкидлаганидек, ушбу контингент Украинага юборилиши мумкинлиги ҳақида “баъзи хавотирлар” мавжуд. Тинчликпарвар кучлар ўнлаб нисбатан янги БТР-82А зирҳли транспорт воситалари билан қуролланган. Рёпке аввалроқ хабар қилганидек, Украинадаги олдинги чизиқда Россия армияси замонавий пиёда жанговар машиналари ва бронетранспортёрларга жуда муҳтож.
Изоҳ (0)