Toshkent va Namangan viloyatlarida qor ko‘chish xavfi eʼlon qilindi. Bu haqda “O‘zgidromet” xabar berdi.
Maʼlum qilinishicha, bunga 23—30-aprel kunlari kutilayotgan yog‘ingarchilik hamda havo haroratining o‘zgarishlari sabab bo‘ladi.
Shu boisdan respublikaning tog‘li hududlarida, dengiz sathidan 2000 m balandlikda, jumladan:
- Toshkent viloyati: Bo‘stonliq, Parkent, Ohangaron tumanlari (Chotqol tizmasi tog‘lari);
- Namangan viloyati: Pop tumanida qor ko‘chish xavfi eʼlon qilinadi.
“Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan, ehtiyotkorlik choralarini ko‘rishlarini so‘raymiz”, — deyiladi xabarda.
Izoh (0)