Toshkentda Avliyo ota ko‘chasining bir qismi 10 kunga yopiladi. Bu haqda poytaxt hokimligi matbuot xizmati xabar berdi.
Maʼlum qilinishicha, Mirobod tumani isteʼmolchilarining elektr taʼminotini yaxshilash maqsadida, “Yuksak” va “Qo‘qon” podstansiyasi oralig‘idagi 110 kVli kabel tarmog‘ini yangilash ishlari olib borilmoqda.
Shu munsabati bilan, Mirobod tumanidagi Avliyo ota ko‘chasi hamda ushbu ko‘chaning Nukus va Kichik halqa avtomobil yo‘li ko‘chalari bilan kesishmalari 22-apreldan 10 kun muddatga yopiladi.
“Keltirilgan noqulaylik uchun uzr so‘ragan holda, haydovchilarga shu vaqt oralig‘ida aylanma yo‘llardan foydalanishni tavsiya qilamiz”, – deyiladi xabarda.
Izoh (0)