XXI asr filmlaridagi eng ko‘p gonorar to‘langan mashhur obrazlar: ularni qaysi aktyorlar gavdalantirgan?

Aksariyat aktyorlar hech bo‘lmaganda o‘rtacha hisobda maosh olishga uringan bir vaqtda Gollivudning professional va jahonga mashhur aktyorlari birgina loyihadan millionlab dollar ishlab olishlari mumkin.

Statistikaga ko‘ra, eng katta gonorar olgan aktyorlarning maoshi bir-biridan bir necha barobarga farq qiladi. Demak, XXI asrda suratga olingan filmlarda eng ko‘p maoshga ega bo‘lgan aktyorlar va ularning rollari bilan tanishamiz.

9. Tom Xardi

Kuchli to‘qqiztalikka britaniyalik aktyor Tom Xardi “O‘rgimchak odam” filmidagi Venom obrazi bilan kirdi. Mazkur loyiha aktyorga 7 million dollar foyda keltirgan. Darhaqiqat, Amerikaning Marvel kinostudiyasi aktyorlarni doimo yaxshi maosh bilan ta’minlab kelgan. Reytingni kuzatsangiz, bunga o‘zingiz guvohi bo‘lasiz.

8. Kris Pett

2018-yilda premyerasi bo‘lib o‘tgan “Yura davri dunyosi-2” filmida bosh obrazni gavdalantirgan Kris Pett loyiha orqali 10 million dollar ishlab olgan. Aktyor mazkur franshizaning navbatdagi qismida ham suratga tushgan, undan qancha miqdorda gonorar olgani hozircha ma’lum emas.

7. Leonardo Di Kaprio

“Omon qolgan” filmida suratga tushgan Gollivud yulduzi Leonardo Di Kaprio Xyu Glass obrazini uchun 10 million dollardan ortiq gonorar olgan.

6. Kichik Robert Dauni

“O‘rgimchak odam: uyga qaytish” filmida Kichik Robert Dauni ham 10 million dollar gonorar olgan. Ammo mazkur daromad unga filmda 15 daqiqalik sahna uchun berilgani tufayli reytingda boshqa aktyorlarga nisbatan yuqori o‘rinni egalladi.

5. Tom Kruz

“Mumiyo” filmi uchun aktyor Tom Kruzga 13 million dollar haq to‘langan.

Filmda suratga tushish bo‘yicha muzokaralar salkam olti oy davom etgan. 2015-yil dekabr oyida The Hollywood Reporter nashri aktyor oladigan gonorar miqdorini e’lon qilgan edi. Avvaliga rejissyorlar Tomga 10 million dollar taklif berishgan, aktyor esa 15 million dollar talab qilgan va natijada tomonlar 13 million dollarga kelishgan.

4. Jennifer Lourens

“Qizil chittak” filmidagi obrazi bilan latofatli aktrisa Jennifer Lourens reytingda to‘rtinchi o‘rinni egalladi. Filmda Lourens SSSR davrida yashab o‘tgan balerina va Davlat xavfsizligi xizmati josusi rolini o‘ynagan. Aktrisa dublyorlar va kaskadyorlarga ish qoldirmaslik uchun oylar davomida kuniga uch soatdan har kuni balet bilan shug‘ullangan.

3. Vin Dizel

“Forsaj” franshizasining sakkizinchi qismi uchun 20 million dollar gonorar olgan aktyor Vin Dizel reytingimizda faxrli uchinchi o‘rinni egalladi. “Forsaj” ning barcha qismlari rejissyor va loyiha ishtirokchilariga doimo katta muvaffaqiyat olib kelgan.

2. Dueyn Jonson

2021-yilda katta ekranlarga chiqqan “Qizil ogohlantirish” filmi aktyorga 22 million dollar gonorar olib kelgan.

    1. Deniel Kreyg

Qariyb o‘n yildan beri reytingda birinchilikni qo‘ldan boy bermay kelgan britaniyalik aktyor Deniel Kreyg o‘zining Jeyms Bond obrazi bilan jahonga tanilgan. “Agent 007 — Skyfall” filmi aktyorga 25 million dollar daromad keltirgan.

Aktyor so‘zlariga ko‘ra, yildan-yilga Jeyms Bond roli uchun gonorar miqdori tushib borgan. Shunday bo‘lsa-da, Deniel Kreyg rekordini halicha hech qaysi aktyor yangilamagan.