O‘zbekistonning Qatardagi elchisi Ashraf Xo‘jayev Qatar milliy kutubxonasi direktori, doktor Hamad al-Kuvariy bilan uchrashuv o‘tkazdi. Bu haqda “Dunyo” AA xabar berdi.
Maʼlum qilinishicha, Mazkur kutubxona 2018-yilda hozirgi Qatar amirining volidasi Shayxa Moza bint Nosir al-Misnad tashabbusi bilan bunyod etilgan bo‘lib, dunyodagi nodir meʼmorchilik andozalaridan biri hisoblanadi.
Muloqot chog‘ida Hamad al-Kuvariy O‘zbekistonning boy madaniy merosi, Samarqand, Buxoro, Xiva kabi qadimiy shaharlari, Imom Buxoriy, Imom at-Termiziy kabi buyuk ulamolarining Islom sivilizatsiyasiga qo‘shgan hissasi arab xalqlari tomonidan qadrlanishini mamnuniyat bilan taʼkidlagan.
Muzokaralar natijasida Abu Rayhon Beruniy nomidagi Sharqshunoslik instituti bilan qo‘lyozmalar yo‘nalishida Qatar milliy kutubxonasi bilan hamkorlikni o‘rnatish bo‘yicha kelishuvga erishilgan.
Izoh (0)