Ўзбекистоннинг Қатардаги элчиси Ашраф Хўжаев Қатар миллий кутубхонаси директори, доктор Ҳамад ал-Куварий билан учрашув ўтказди. Бу ҳақда “Дунё” АА хабар берди.
Маълум қилинишича, Мазкур кутубхона 2018 йилда ҳозирги Қатар амирининг волидаси Шайха Моза бинт Носир ал-Миснад ташаббуси билан бунёд этилган бўлиб, дунёдаги нодир меъморчилик андозаларидан бири ҳисобланади.
Мулоқот чоғида Ҳамад ал-Куварий Ўзбекистоннинг бой маданий мероси, Самарқанд, Бухоро, Хива каби қадимий шаҳарлари, Имом Бухорий, Имом ат-Термизий каби буюк уламоларининг Ислом цивилизациясига қўшган ҳиссаси араб халқлари томонидан қадрланишини мамнуният билан таъкидлаган.
Музокаралар натижасида Абу Райҳон Беруний номидаги Шарқшунослик институти билан қўлёзмалар йўналишида Қатар миллий кутубхонаси билан ҳамкорликни ўрнатиш бўйича келишувга эришилган.
Изоҳ (0)