NATO Finlyandiyada quruqlikdagi kuchlarining shtab-kvartirasini qurishni rejalashtirmoqda. Bu haqda Norvegiya mudofaa vaziri Bern Aril Grammga tayanib, Iltalehti xabar berdi.
Obyekt Mikkeli shahrida quriladi, u Rossiya chegarasidan taxminan 140 kilometr uzoqlikda joylashgan. Bu birlashgan kuchlar qo‘mondonligi faoliyatini kengaytirishga hissa qo‘shadi. Yangi qo‘mondonlik markazining yaratilishi “barcha shimoliy mamlakatlar”ga NATOga a’zolik imtiyozlarini olish imkonini beradi. Tinchlik davrida shtab-kvartira NATOning mintaqadagi o‘quv mashg‘ulotlarini rejalashtiradi.
“Biz yagona qo‘mondonlik ostida va yagona mintaqaviy mudofaa rejasining bir qismi bo‘lishimizdan umidvorman. Shunday qilib, shimoliy mamlakatlar birgalikda jilovlovchi kuch va mudofaaga ega bo‘ladi”, — dedi Gramm.
Yangi qo‘mondonlik markazi Norfolkdagi (AQSH) Birlashgan kuchlar qo‘mondonligiga bo‘ysunadi. NATOga a’zo mamlakatlardan kamida 375 nafar zobitni Mikkelga yubormoqchi.
Mikkeli bir necha sabablarga ko‘ra tanlangan, deb yozadi Iltalehti. Birinchidan, Finlyandiya armiyasining shtab-kvartirasi shu shaharda ishlaydi. Ikkinchidan, u yerda aeroport ham bor. Bundan tashqari, shahar Janubiy Savoniya provinsiyasining poytaxti. Finlyandiya mudofaa vaziri Antti Xyakkyanenning kelib chiqishi aynan shu yerdan.
- Finlyandiya 2023-yil 4-aprelda NATOga qo‘shildi. Shvetsiya 7-mart kuni rasman NATOning 31-a’zosiga aylandi. Rossiya prezidenti Vladimir Putin Finlyandiya NATOga aʼzo bo‘lish qarori bilan Rossiya bilan ideal munosabatlarini buzganini aytdi. Putin endi bu davlat bilan chegarada Rossiya qo‘shinlari va qurol tizimlari paydo bo‘lishini ta’kidladi.
Izoh (0)