Qozog‘istondagi suv toshqinlarida qariyb 6 ming bosh chorva nobud bo‘ldi

Qozog‘istondagi yirik suv toshqinlari oqibatida 5,7 mingdan ortiq turli qishloq xo‘jaligi jonivorlari nobud bo‘ldi. Bu haqda respublika Qishloq xo‘jaligi vazirligi rasmiy vakili Oljas Tlebaldin brifingda ma’lum qildi.

“Suv bosgan hududlardan 60 ming boshdan ortiq qishloq xo‘jaligi hayvonlari xavfsiz hududlarga ko‘chirildi. Chorvalar nobud bo‘lishining oldini olishning iloji bo‘lmadi. Tezkor maʼlumotlarga ko‘ra, respublikaning yetti viloyatida nobud bo‘lgan qishloq xo‘jaligi hayvonlari soni 5711 boshni tashkil etgan”, — dedi u.

Amaldor 1013 bosh nobud bo‘lgan hayvonlar, jumladan, yirik va mayda qoramollar, shuningdek, otlarning jasadi utilizatsiya qilinganini aytdi.

Mart oyida boshlangan suv toshqinlari tufayli Qozog‘istonning o‘nta viloyatida mahalliy favqulodda holat e’lon qilingan. Toshqin davri boshidan buyon 72 mingdan ortiq odam, jumladan, 17 mingdan ortiq bolalar evakuatsiya qilingan. 3702 ta xususiy turar joy binolari, 550 dan ortiq hovlilar va 1,8 mingdan ortiq dala uylari suv ostida qolmoqda. Qutqaruv ishlariga jami 13,6 mingdan ortiq kishi, 1,3 ming texnika va 7 ta samolyot jalb etilgan.