APL. “Manchester Siti” safarda “Kristal Pelas”ni mag‘lub etdi

Bugun, 6-aprel kuni APLning 32-turidan o‘rin olgan bahs bo‘lib o‘tdi.

Unda “Manchester Siti” safarda “Kristal Pelas” ustidan yirik hisobda g‘alaba qozondi. Uchrashuvning uchinchi daqiqasida mehmonlar hisobni ochdi. Ushbu golga Gvardiola shogirdlari de Bryuynening dubli, Lyuis va Holandning gollari bilan javob berishdi. “Kristal Pelas” fubolchisi Eduarning goli hisobni yakuniy ko‘rinishga olib keldi.

Shu tariqa, “shaharliklar” 70 ochko bilan peshqadam “Liverpul”ga yetib oldi va to‘plar nisbatiga ko‘ra 2-o‘rinda bormoqda.

APL

32-tur bahsi

6-aprel, shanba

“Kristal Pelas” –“Manchester Siti” 2:4

Gollar: 1:0 – Mateta (3), 1:1 – de Bryuyne (13), 1:2 – Lyuis (47), 1:3 – Holand (66), 1:4 – de Bryuyne (70), 2:4 – Eduar (86).

“Kristal Pelas”: Xenderson, Munos, Uord, Andersen, Lerma, Mitchell (Klayn, 75), Xyuz (Axamada, 82), Uorton, Eze (Shlupp, 64), Ayyu (Olise, 74), Mateta (Eduar, 74).

“Manchester Siti”: Ortega, Stounz, Ruben Diash, Gvardiol (Akandji, 46), Lyuis, de Bryuyne, Grilish, Rodri (Kovachich, 74), Bobb, Holand, Alvares (Mateush Nunesh, 74).

Ogohlantirishlar: Gvardiol (45+2), Mateta (62).