Xalqaro olimpiya qo‘mitasi rahbariyati yozgi Parij bahslarida neytral bayroq ostida ishtirok etadigan rossiyalik va Belaruslik sportchilar ochilish marosimida qatnashmasligini eʼlon qildi. Bu haqda The Moscow Times nashri xabar berdi.
XOQ direktori Jeyms Makleod Lozannada bo‘lib o‘tgan qo‘mita ijroiya kengashi yig‘ilishidan so‘ng, har ikki davlatning neytral sportchilariga ochilish marosimidagi jamoalar paradida qatnashishga ruxsat berilmasligini maʼlum qildi. Qo‘mita bu borada uzil-kesil qaror qabul qilgan va u o‘zgarmaydi.
Rossiya va Belarusdan kelgan sportchilarga ochilish marosimi jarayonlarini oddiy kuzatuvchi sifatida tomosha qilish imkoniyati taqdim etiladi. Sportchilarga o‘z mamlakatlari bayroqlari va davlat ramzlarini namoyish qilishga ruxsat berilmaydi.
Izoh (0)