Crocus City Hall савдо мажмуасида 22 март куни содир этилган теракт оқибатида ҳалок бўлган болалар сони 6 нафарга етди. Бу ҳақда The Moscow Times нашри хабар берди.
Россиянинг болалар ҳуқуқлари масаласи бўйича бош расмийси 3 апрель куни вазиятга ойдинлик киритган. Вояга етмаганлар билан боғлиқ ҳолатлар назорати тўлиқ давлат қўлида эканлиги айтилган.
“Ҳозирда бизда олти нафар ҳалок бўлгани ҳамда етти нафари яралангани ҳақида маълумот бор”, — деган Россия президентининг болалар ҳуқуқлари бўйича комиссари Мария Львова-Белова.
Жароҳатланган болаларнинг икки нафари уйда ва беш нафари касалхоналарда даволанаётгани хабар қилинган. Хабарда қўшимча қилинишича, болалардан икки нафарининг ҳолати оғир. Уч нафари эса қониқарли аҳволда.
Изоҳ (0)