Rossiya TIV Adliya vazirligi va boshqa tegishli idoralar bilan birgalikda “Tolibon” islomiy harakatidan terrorchi tashkilot maqomini olib tashlash masalasi ustida ishlamoqda. Bu haqda Rossiya TIVga tayanib, Deutsche Welle xabar berdi.
Yakuniy qarorni mamlakat oliy siyosiy rahbariyati qabul qiladi, — deydi vazirlik.
Avvalroq, Rossiya prezidentining Afg‘oniston bo‘yicha maxsus vakili, TIVning Osiyo bo‘yicha ikkinchi departamenti direktori Zamir Kabulov “TASS” agentligi bilan suhbatda “Tolibon” harakati delegatsiyasi 14—19-may kunlari Qozon shahrida bo‘lib o‘tadigan “Rossiya – Islom olami: KazanForum” forumiga taklif etilganini ma’lum qilgan edi. Uning so‘zlariga ko‘ra, Rossiya Afg‘onistondagi “Tolibon” hukumati bilan muntazam ravishda aksilterrorchilik harakatlari mavzusida hamkorlik qiladi.
“Tolibon” harakati Rossiyada terrorchi tashkilot sifatida tan olingan va uning faoliyati 2003-yilda BMT Xavfsizlik Kengashi tomonidan tegishli ro‘yxatga kiritilganidan keyin Rossiyada taqiqlangan edi. 2022-yil mart oyida Rossiya Afg‘oniston hokimiyati “Tolibon” nazoratiga o‘tganidan keyin hukumatning birinchi diplomatini akkreditatsiya qilgan edi.
“Tolibon”ni Rossiyada terrorchilar ro‘yxatidan chiqarish BMT Xavfsizlik Kengashi darajasida amalga oshirilgandan keyingina mumkinligini taʼkidlagan edi.
Buning uchun “Tolibon” o‘zini madaniyatli tutayotganini ko‘rsatishi kerak, — dedi u.
Izoh (0)