Россия ТИВ Адлия вазирлиги ва бошқа тегишли идоралар билан биргаликда “Толибон” исломий ҳаракатидан террорчи ташкилот мақомини олиб ташлаш масаласи устида ишламоқда. Бу ҳақда Россия ТИВга таяниб, Deutsche Welle хабар берди.
Якуний қарорни мамлакат олий сиёсий раҳбарияти қабул қилади, — дейди вазирлик.
Аввалроқ, Россия президентининг Афғонистон бўйича махсус вакили, ТИВнинг Осиё бўйича иккинчи департаменти директори Замир Кабулов “ТАСС” агентлиги билан суҳбатда “Толибон” ҳаракати делегацияси 14—19 май кунлари Қозон шаҳрида бўлиб ўтадиган “Россия – Ислом олами: KaзанФорум” форумига таклиф этилганини маълум қилган эди. Унинг сўзларига кўра, Россия Афғонистондаги “Толибон” ҳукумати билан мунтазам равишда аксилтеррорчилик ҳаракатлари мавзусида ҳамкорлик қилади.
“Толибон” ҳаракати Россияда террорчи ташкилот сифатида тан олинган ва унинг фаолияти 2003 йилда БМТ Хавфсизлик Кенгаши томонидан тегишли рўйхатга киритилганидан кейин Россияда тақиқланган эди. 2022 йил март ойида Россия Афғонистон ҳокимияти “Толибон” назоратига ўтганидан кейин ҳукуматнинг биринчи дипломатини аккредитация қилган эди.
“Толибон”ни Россияда террорчилар рўйхатидан чиқариш БМТ Хавфсизлик Кенгаши даражасида амалга оширилгандан кейингина мумкинлигини таъкидлаган эди.
Бунинг учун “Толибон” ўзини маданиятли тутаётганини кўрсатиши керак, — деди у.
Изоҳ (0)