O‘zbekistonda aprel oyining birinchi kunida onlayn-agregatorlar orqali taksi xizmatlari aylanmasi 14 milliard so‘mdan oshgani ma’lum bo‘ldi.
Xabar berilishicha, 1-aprel kuni soliq organlari bilan integratsiyalangan onlayn agregatorlar orqali yo‘lovchi tashish xizmati ko‘rsatuvchi 70,9 mingta subyekt tomonidan 889,3 ming marta qatnov amalga oshirilgan. Ko‘rsatilgan tashish xizmatlari uchun 14,5 milliard so‘m to‘langan.
Ularning 11,4 milliard so‘mi naqd pulda, 3,1 milliard so‘mi naqdsiz hisob-kitob qilingan. Bir martalik yo‘lovchi tashishning o‘rtacha narxi 16 388 so‘mni tashkil etadi.
Izoh (0)