Сандро Тонали ўйинларга пул тикиш қоидаларини бузганлик учун янги айбловларга дуч келмоқда.
Англия футбол ассоциацияси “Милан” клубидан 70 миллион евро миқдоридаги пул эвазига “Ньюкасл”га ўтган ярим ҳимоячини 2023 йилнинг 12 августидан 12 октябригача бўлган муддат ичида 50 бор турли ўйинларга пул тикканликда айблади. Хабар қилинишича, италиялик футболчи айбловларга 5 апрелгача жавоб бериши керак.
Эслатиб ўтамиз, ўтган йилнинг октябрь ойида Тоналининг “Милан”да ўйнаган вақтларида пул тикиб келгани аниқланган ва шу сабаб футболчи 10 ойга ўйинлардан четлатилган эди. Сандро қимор ўйинларига қарамликдан азият чекаётганини тан олган ва 8 ойлик даволаниш курсидан ўтиши керак бўлган.
Изоҳ (0)