Yovuz qahramon bilan bir qatorda komedik obrazlarni ham qoyilmaqom tarzda ijro etgan aktyor va aktrisalar (foto)

Komediya aktyorlar uchun eng qiyin janr degan fikr bor. Ularning aytishicha, dramatik filmlarda muvaffaqiyat qozongan aktyor ham tomoshabinni kuldirishning uddasidan chiqolmasligi mumkin. Lekin quyidagi aktyorlar yovuz qahramonlarni ham, aqlbovar qilmaydigan kulgili obrazlarni ham ishonchli tarzda o‘ynashgan.

Emma Stoun

Film bosh qahramoni Kruella tomoshabinlar mehrini qozongan. Ammo bu qahramonning yovuz odam ekani haqiqatini o‘zgartirmaydi, u yo‘lida boshqalar bo‘lishini xohlamaydi. Emma Stounning bu roli tahsinga loyiq. Biroq aktrisa quvnoq qizlarni osongina gavdalantiradi. Misol uchun, u karyerasining boshida “O‘tmishdagi arvohlar” romantik komediyasida yaramas va o‘tkir tilli Allison rolini o‘ynagan.

Alan Rikman

Alan Rikmanning eng mashhur obrazi, albatta, Potter serialidagi Severus roli. Garchi franshizaning yakuniy qismida qahramon yomon odam emasligi ma’lum bo‘lsa-da, oldingi barcha filmlar tomoshabinlarga buning aksini aytadi. Rikman ham kulgili personajlarni qoyilmaqom o‘ynagan — u “Galaktikani izlab” ilmiy-fantastik komediyasida o‘zga sayyoralik rolini ijro etgan.

Julianna Mur

Julianna Mur “Yettinchi o‘g‘il” fantastik filmida kuchli jodugar rolini juda ishonarli o‘ynagan. Garchi film tijoriy muvaffaqiyatga erishmagan bo‘lsa-da, tanqidchilar aktrisaning ijrosini juda yuqori baholaydi. U komedik qahramonlarini sovuqqonlik bilan tasvirlaydi. “Katta Lebovski” kult filmidagi ekssentrik rassom obrazidagi Murni unutib bo‘lmaydi.

Melissa Makkarti

Ko‘plab mashhur aktrisalar dengiz jodugari Ursula roliga da’vogarlik qilishgan, ammo bu rol beqiyos Melissa Makkartiga nasib qiladi. Aktrisa bu vazifani 100 foiz uddalaydi — yovuz qahramon obrazi uchun u “Saturn” mukofotiga nomzod bo‘ladi. Aktrisaning komedik obrazlari ham tanqidchilar tomonidan yuqori baholangan. Misol uchun, “Josus” filmidagi roli uchun Melissa People’s Choice mukofotiga sazovor bo‘ladi.

Ris Ivans

“Ajdaho uyi” serialidagi Ivansning qahramoni — qirolning o‘ng qo‘li bo‘lib, u o‘z nabirasini taxtga o‘tqizish niyatida taxtning haqiqiy merosxo‘rini chetlab o‘tadi. Mazkur makkor xarakterni “Mening qattiqqo‘l enagam 2” komediyasidagi beso‘naqay Fil bilan solishtirish qiyin. Ammo “Taxtlar o‘yini” prikvelidan 17 yil oldin Ris mazkur rolni ijro etgan.

Sharliz Teron

Oppog‘oyning o‘gay onasini turli xil aktrisalar o‘ynagan, ammo ular orasida Sharliz Teronning ijrosi eng qo‘rqinchli obraz bo‘lib chiqdi. Gap 2012-yilda suratga olingan “Oppog‘oy va ovchi” filmi haqida ketmoqda. Aktrisaning mazkur ijrosi tanqidchilar tomonidan ham yuqori baholanadi: Sharliz Teen Choice mukofotiga sazovor bo‘ladi. Ikki yil o‘tgach, aktrisa “Jinni bo‘lishning million yo‘li” komediyasidagi rolini a’lo darajada bajaradi va turli mukofotlarga nomzod bo‘ladi.

Salma Xayek

Salma Xayekning ilon bilan raqsga tushishi haqidagi “Tundan tonggacha” filmidagi mashhur sahnani hatto filmni tomosha qilmaganlar ham biladi. Filmda u Santaniko Pandemonium ismli tajovuzkor mavjudotni o‘ynaydi. “Maftunkor xo‘jayinlar” komediyasida Salmaning qahramonini ham yaxshi odam deb bo‘lmaydi, chunki u insofsiz ishbilarmon ayol. Ammo bu dahshatli emas, balki juda kulgili obraz.