Agar superqahramonlar va kosmik ritsarlar haqidagi mashhur filmlardan charchagan bo‘lsangiz, unda unchalik taniqli bo‘lmagan mazkur franshizalar sizga albatta yoqadi.
“Bella va Sebastyan”
Bolakay va it o‘rtasidagi ta’sirchan do‘stlik haqidagi film. Do‘stlarning aqlbovar qilmaydigan sarguzashtlari Ikkinchi jahon urushi paytida Fransiya tog‘larida sodir bo‘ladi. Film eng og‘ir damlarda ham boshqalarning yaxshi tomonlarini izlashni o‘rganishimiz kerakligini eslatadi. Franshiza to‘rtta filmdan iborat bo‘lib, ularning har biri o‘ziga xos tarzda ajoyib.
“Sharqiy shamol”
Ushbu franshizada to‘rtta film bor, ularda mallasoch Mika va uning Ostvind laqabli qora ayg‘iri haqida hikoya qilinadi. Hamma otni boshqarib bo‘lmaydigan asov deb hisoblaydi, lekin qiz otni o‘ziga bo‘ysundiradi. Bir umrlik do‘stlik shunday boshlanadi.
“Jek Richer”
Tom Kruz ishtirokidagi jangovar filmlar doimo qiziqarli jang sahnalariga boy. “Jek Richer” franshizasi ham xuddi shunday. 2022-yilda xuddi shu nomdagi serial ekranlarga chiqqan, lekin unda bosh rolni boshqa aktyor — Alan Ritchson ijro etgan.
“Yoqut kitob siri”
O‘n olti yoshli Gvendolin Shepherd uchta filmdan iborat turkumda vaqt bo‘ylab sayohat qiladi va sirli ishlarni hal qiladi. Shuningdek, u voqealar davomida sevib qoladi, omadsizlikka uchraydi va mo‘jizalarga ishonishni o‘rganadi, chunki endi u ularning mavjudligini aniq biladi.
Izoh (0)