Fransiyada soch diskriminatsiyasini taqiqlovchi qonun loyihasi ma’qullandi

Fransiya Milliy Assambleyasi 28-mart kuni sochlarning tuzilishi, uzunligi, rangi yoki uslubiga qarab kamsitishni taqiqlovchi qonun loyihasini ma’qulladi, deya Euronews xabar berdi.

Xabarga ko‘ra, ovoz berishda 500 dan ortiq deputatdan atigi 50 nafari ishtirok etgan bo‘lsa-da, hujjat qabul qilingan va Senatga yuborilgan.

Bugun azob-uqubatlar va haqiqat inobatga olinganidan faxrlanayotgan Milliy Assambleyadagi hamkasblarimga faqat rahmat aytmoqchiman. Buni ko‘rib chiqish uchun vaqt ajratgan barchaga minnatdorchilik bildiraman. Buni mamlakatimiz uchun oldinga qo‘yilgan katta qadam, deb hisoblayman. Fransiya o‘zi bilan faxrlanadi, — deya qonun loyihasi muallifi, deputat Olivye Servat qarorni olqishlagan.

Qonun loyihasining mualliflari uning qabul qilinishi sochlari tufayli kamsitilgan, ish qidirayotganda intervyu oldidan soch turmagini o‘zgartirishga to‘g‘ri kelgan odamlarni qo‘llab-quvvatlashiga umid qilmoqda.

Hujjat Buyuk Britaniya va AQSHning 20 ta shtatida ilgari qabul qilingan va qora tanlilarning huquqlarini himoya qilgan qonunlarga o‘xshashdir.