Франция Миллий Ассамблеяси 28 март куни сочларнинг тузилиши, узунлиги, ранги ёки услубига қараб камситишни тақиқловчи қонун лойиҳасини маъқуллади, дея Euronews хабар берди.
Хабарга кўра, овоз беришда 500 дан ортиқ депутатдан атиги 50 нафари иштирок этган бўлса-да, ҳужжат қабул қилинган ва Сенатга юборилган.
Бугун азоб-уқубатлар ва ҳақиқат инобатга олинганидан фахрланаётган Миллий Ассамблеядаги ҳамкасбларимга фақат раҳмат айтмоқчиман. Буни кўриб чиқиш учун вақт ажратган барчага миннатдорчилик билдираман. Буни мамлакатимиз учун олдинга қўйилган катта қадам, деб ҳисоблайман. Франция ўзи билан фахрланади, — дея қонун лойиҳаси муаллифи, депутат Оливье Серват қарорни олқишлаган.
Қонун лойиҳасининг муаллифлари унинг қабул қилиниши сочлари туфайли камситилган, иш қидираётганда интервью олдидан соч турмагини ўзгартиришга тўғри келган одамларни қўллаб-қувватлашига умид қилмоқда.
Ҳужжат Буюк Британия ва АҚШнинг 20 та штатида илгари қабул қилинган ва қора танлиларнинг ҳуқуқларини ҳимоя қилган қонунларга ўхшашдир.
Изоҳ (0)