Польша украиналик аскарларни тайёрлаш бўйича етакчи ҳисобланади, деди Польша бош вазири ўринбосари, миллий мудофаа вазири Владислав Косинияк-Камиш Косоводаги Польша ҳарбий контингентига ташрифи чоғида.
“Польша украиналик аскарларни тайёрлаш бўйича етакчи ҳисобланади. Бу йил деярли 20 минг нафар украиналик ҳарбий тайёргарликдан ўтди. Барча машғулот ўтаган аскарларнинг учдан бир қисми Польша қуролли кучлари томонидан тайёрланган аскарлардир”, — деди Польша вазири.
Аввалроқ Россия Украинага қурол етказиб бериш юзасидан НАТО давлатларига нота юборган эди. Россия ташқи ишлар вазири Сергей Лавров Украина учун қурол бўлган ҳар қандай юк Россия учун қонуний нишонга айланишини таъкидлади.
Россия Ташқи ишлар вазирлиги НАТО давлатлари Украинага қурол етказиб бериш орқали “ўт билан ўйнашмоқда” деб таъкидлади. Кремлнинг таъкидлашича, Украинани Ғарб қуроллари билан тўлдириш Россия-Украина музокараларига салбий таъсир кўрсатади.
Лавров, шунингдек, АҚШ ва НАТО Украинадаги можарода бевосита иштирок этишини, жумладан, нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш билан ҳам шуғулланаётганини таъкидлаганди.
Изоҳ (0)