Ўзбекистонда 2023 йили автомобилда ташувлар соҳасида аниқланган ҳуқуқбузарликлар сони очиқланди 

Ўзбекистонда 2023 йилда автомобилда ташувлар соҳасида 110 298 та ҳуқуқбузарлик аниқлангани айтилди. 

Маълум қилинишича, 1 январь ҳолатида мамлакатда автомобиль транспорти соҳасида фаолият кўрсатаётган жами 3 970 та корхоналар (МЧЖ)лар мавжуд. Мазкур лицензияланган транспорт воситалари 229 917 тани ташкил этмоқда, жумладан:

• автобуслар 7 779 тани,
• микроавтобуслар 3 579 тани, 
• енгил автомобиллар сони 195 346 тани (Damas 30 541), 
• юк автомобиллари эса 23 213 тани ташкил этади. 

Республика бўйича жорий йил 1 январь ҳолатига ташувчилар томонидан 2 426 та мунтазам йўналишларда хизмат кўрсатиб келинмоқда, жумладан улардан 546 таси шаҳар йўналишлари, 1652 та шаҳар атрофи ҳамда 228 таси шаҳарлараро йўналишларидир