Italiya Ichki ishlar vazirligi Moskva yaqinidagi Crocus City Hall konsert zalida sodir etilgan teraktdan so‘ng terrorizmga qarshi kurash choralarini kuchaytirishga qaror qildi. Bu haqda EFE agentligi ma’lum qildi.
Tegishli qaror Milliy xavfsizlik qo‘mitasi yig‘ilishida qabul qilindi. Ushbu chora-tadbirlar, xususan, katoliklarning Pasxa bayramlarida xavfsizlikni yanada samaraliroq ta’minlash imkonini berishi kutilmoqda.
“Uchrashuv ishtirokchilari Moskva yaqinida sodir bo‘lgan teraktni sinchkovlik bilan tahlil qilishdi. Bu tahlil terrorchilardan himoyalanish bo‘yicha ilgari kiritilgan chora-tadbirlarni takomillashtirish uchun zarur edi”, — deya ta’kidladi Italiya IIV.
Italiya tashqi ishlar vaziri Antonio Tajani hukumat o‘z vatandoshlarini terrorchilik tahdididan yanada samaraliroq himoya qilishga intilayotganini ta’kidladi.
“Biz dunyoda nima bo‘layotganini diqqat bilan kuzatib boramiz va italiyaliklarni imkon qadar himoya qilishga harakat qilamiz”, — dedi Tajani mahalliy radioda.
Izoh (0)