Isroil AQSHning 40 nafar HAMAS garovidagi isroillik evaziga 800 ga yaqin falastinlik mahbusni ozod qilish taklifiga rozi bo‘ldi. Bu haqda The Times of Israel xabar berdi.
Hozirda tomonlar Falastin harakatidan javob kutmoqda. Taklif Markaziy razvedka boshqarmasi direktori Uilyam Berns tomonidan ilgari surilgan. Shartlar qatorida Isroil isroilliklarni o‘ldirgani uchun umrbod qamoq jazosini o‘tayotgan 100 nafar falastinlikni ham ozod qilishga tayyor.
Boshqa masalalar, jumladan, gumanitar yordam yetkazish va Isroil harbiylarining G‘azo sektorida mavjudligi masalasi haligacha hal etilmagan.
Ta’kidlanishicha, Isroil AQSHning G‘azo sektori shimoliy qismiga tinch aholini qaytarish bo‘yicha takliflarni muhokama qilishga tayyor. Birinchi bosqichda isroillik garovga olinganlarni ozod qilish boshlanganidan keyin 2 mingdan ortiq falastinlik anklav shimoliga qaytishi mumkin bo‘ladi.
Isroil anklav shimolidan qochgan 1,3 milliondan ortiq falastinlik boshpana topgan G‘azo sektori janubidagi Rafah shahrida keng ko‘lamli operatsiya o‘tkazishga tayyorlanmoqda. AQSH tinch aholi evakuatsiya qilinmaydigan bunday operatsiyaga qarshilik qilmoqda.
Izoh (0)