So‘nggi 24 soat ichida G‘azoda intensiv Isroil hujumlari oqibatida 100 dan ortiq tinch aholi vakillari halok bo‘lgan. Bu haqda Al Jazeera nashri xabar berdi.
Xabarda aytilishicha, asosiy hujumlar Al-Aqso va Al-Shifo kasalxonalari hududida amalga oshirilgan. Hudud o‘rab olinib, yalpi o‘t ochilgan.
Isroil hujumlari oqibatida so‘nggi sutkada 100 dan ortiq tinch aholi vakillari halok bo‘lgan. 92 nafar falastinlik og‘ir va o‘rta darajadagi tan jarohati olgan.
Isroil, shuningdek, G‘azo shahri, Dayr al-Balah va Nusayrat lagerlariga zarbalar bergani xabar qilingan. Ushbu hududlarda ham o‘nlab tinch aholi vakillari halok bo‘lgan.
G‘azo Sog‘liqni saqlash vazirligi maʼlumotlariga ko‘ra, G‘azoda halok bo‘lganlarning umumiy sonini 31,988 nafardan oshgan. 74,188 kishi turli darajada jarohat olgan. Yana 8000 nafar falastinlik bedarak yo‘qolgan.
Izoh (0)