Американинг “Nyu-York Red Bullz” клуби MLS профессионал футбол лигаси доирасида 24 март санасида бўлиб ўтган ўйинда ўз майдонида “Интер Майами”ни мағлуб этди.
Ўйин Харрисондаги (АҚШ) Red Bull Аренада бўлиб ўтди ва 4:0 ҳисобида якунланди. “Интер Майами” бош мураббийи Херардо Мартино ўйиндан сўнг жамоасининг мағлубиятини эмоционал тарзда изоҳлади.
Рақиб ўйин бошиданоқ биздан устунлик қилди. “Red Bullz”да ғалаба қозониш истаги бор эди, бизнинг жамоада эса бу сезилмади. Агар жамоа ғалаба қозонишни хоҳламаса, рақобат руҳи бўлмаган ўйинга кирса, албатта, мағлубиятга учрайди. Мессининг йўқлиги ҳар қандай жамоа учун катта йўқотишдир, — дея Мартинонинг сўзларини келтирмоқда Daily Star.
Эслатиб ўтамиз, аргентиналик ҳужумчи Лионель Месси тиззасидан олган жароҳати сабаб қаторасига иккинчи ўйинни ўтказиб юборди.
“Интер Майами” MLS турнир жадвалида 6 ўйиндан кейин 10 очко билан иккинчи ўринда бормоқда.
Изоҳ (0)