Ўзбекистонда 2024 йилнинг январь–февраль ойларида 2,3 млрд доллар экспорт амалга оширилди. Бу ҳақда АОКАда ўтказилган брифингда Инвестициялар, саноат ва савдо вазирлиги бошқарма бошлиғи ўринбосари Огулнур Атаева маълум қилди.
Маълум қилинишича, бунда ўсиш 15 фоизни (+300 млн сўм) ташкил қилган. Экспорт ҳажмлари ўсиши тўқимачилик (519 млн доллар, 3 фоиз) мева-сабзавот (150,1 млн доллар, 29 фоиз), минерал ўғитлар (29,8 млн доллар, 49 фоиз) ҳамда туризм (280 млн доллар, 11 фоиз), транспорт (228 млн доллар, 37 фоиз) ва ахборот (49,6 млн доллар, 55 фоиз) хизматларига тўғри келган.
Жумладан, экспортчилар фаолиятини ўрганиш давомида 257 та муаммоли масала аниқланди ва 137 та муаммо ҳал этилган. Ҳозирда 38 та корхонанинг 166,8 млрд сўм кредит олиш бўйича мурожаатлари тижорат банклари томонидан ўрганиб чиқилмоқда.
Шунингдек, карантин ва стандартлаштириш билан боғлиқ 26 та муаммодан 13 таси ҳал этилди ва 10 таси ўрганиб чиқилмоқда.
Изоҳ (0)