“Chelsi” afsonasi Frenk Lempard yozda UNICEF’ning Soccer Aid for UNICEF xayriya o‘yinida murabbiylikka qaytadi.
Lempard o‘tgan yozda “Chelsi”ni tark etganidan beri ishsiz edi, ammo endi “Stemford Brij” muxlislarining sevimlisi futbolga qaytishga tayyor.
Soccer Aid for UNICEF uchrashuvi 6-iyun yakshanba kuni “Stemford Brij”da, Yevro—2024 boshlanishiga atigi besh kun qolganida bo‘lib o‘tadi.
Lempard Harri Rednapp bilan birgalikda Angliya termasini boshqaradi. 2012-yilgi Chempionlar Ligasi g‘olibining o‘zi Soccer Aid’da ishtirok etish istagini bildirgan.
“Stemford Brij” muxlislari uchun yanada ko‘proq narsani anglatishi mumkin bo‘lgan jihat yaqinda faoliyatini yakunlagan “Chelsi” yulduzi Eden Azarning g‘arbiy Londonga qaytishi hisoblanadi. Besh yil ichida birinchi marta Azar yana ushbu stadionda o‘ynaydi, ammo bu safar raqib jamoa nomidan.
GOAL nashri bergan bayonotiga ko‘ra, Lempard “Stemford Brij”ga qaytishni intiqlik bilan kutmoqda.
“Londonda tomoshabinlar qarshisida o‘ynash har qanday holatda ham har bir futbolchi uchun alohida ahamiyatga ega. Men bunday baxtga yana bir bor erishishimdan xursanman. Harri Rednapp bilan Soccer Aid’da Angliyani boshqarish sharaf va zavq bo‘ladi. Bundan tashqari muhimi biz bu o‘yindan to‘plashimiz mumkin bo‘lgan millionlab funt sterling.
Angliya terma jamoasi Jermeyn Defo, Jek Uilsher, Styuart Broad va Ser Mo Farah kabi yulduzli tarkibni maydonga tushirishi kutilmoqda. Biroq bor e’tibor Azarga qaratilishi mumkin. “Chelsi”ning sobiq o‘yinchisi “Dunyoning qolgan qismi” jamoasida o‘ynaydi.
Izoh (0)