Abdurahim Umarov Sirdaryo viloyati hokimining birinchi o‘rinbosari etib tayinlandi. Bu haqda viloyat hokimligi matbuot xizmati xabar berdi.
Ma’lum qilinishicha, boshqa ishga o‘tishi munosabati bilan Rahimjon Boboyev viloyat hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari vazifasidan ozod etildi. Uning o‘rniga Abdurahim Umarov viloyat hokimining birinchi o‘rinbosari bo‘ldi.
Rahimjon Boboyev Sirdaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimida 2023-yil apreldan buyon ishlab kelayotgandi. Uning qanday ishga o‘tganiga aniqlik kiritilmagan.
Abdurahim Umarov 1985-yilda Sayxunobod tumanida tug‘ilgan. 2008-yil Guliston davlat universitetini tamomlagan. Mehnat faoliyati davomida “Xalq banki” Sirdaryo viloyati filialida turli mas’ul lavozimlarda ishlagan. Tayinlovga qadar esa filial boshlig‘i sifatida ishlab kelayotgandi.
Izoh (0)