Buxoro viloyatining Buxoro tumani hamda Jizzax viloyatining Zafarobod tumanlariga yangi hokimlar tayinlandi. Bu haqda ikki viloyat hokimligi matbuot xizmati xabar berdi.
Maʼlum qilinishicha, Xalq deputatlari Buxoro tumani kengashining navbatdan tashqari sessiyasi bo‘lib o‘tgan. Sessiyada tashkiliy masala ko‘rilgan.
Ayni vaqtga qadar Romitan tumani hokimining moliya-iqtisodiyot va kambag‘alllikni qisqartirish masalalari bo‘yicha birinchi o‘rinbosari lavozimida ishlab kelgan Ochilov Anvarjon Zubaydilloyevichni Buxoro tumani hokimi etib tayinlash to‘g‘risida viloyat hokimining qarori qabul qilingani deputatlarga maʼlum qilingan.
Shuningdek, xalq deputatlari Zafarobod tumani kengashining navbatdan tashqari sessiyasi bo‘lib o‘tgan. Unda tashkiliy masala ko‘rilgan.
Sessiyada viloyat hokimi Ergash Soliyev Zafarobod tumani hokimi lavozimiga tavsiya etilgan nomzod — G‘ayratjon Eshpo‘latovni tanishtirgan. G‘ayratjon Eshpo‘latov shu vaqtgacha Paxtakor tumani hokimining qishloq va suv xo‘jaligi bo‘yicha o‘rinbosari bo‘lib ishlab kelayotgan edi.
Izoh (0)