Qashqadaryo viloyatining Dehqonobod tumani hokimi sifatida ishlab kelayotgan Akrom Sulaymonov lavozimidan olingani haqida xabar berilgandi. Viloyat hokimligining xabar berishicha, tumanga yangi hokim tayinlandi.
Unga ko‘ra, Sherzod Shokirov Qashqadaryo viloyatining Dehqonobod tumani hokimi lavozimiga tayinlandi. Tayinlovga qadar u Ko‘kdala tumani Ichki ishlar bo‘limi boshlig‘i lavozimida ishlagan.
Tumanga 4 oy rahbarlik qilgan Akrom Sulaymonov o‘zining sahifasida ishdan olinganini ma’lum qilgandi.
Azizlar mehnat faoliyatimda navbatdagi o‘zgarishlar sabab Dehqonobod tumanini tark etdim. Qisqa vaqt bo‘lsa-da, menga ishonch bildirib, o‘z yaqini, aka-ukasidek ko‘rgani uchun barcha faxriylarimizga, hamkasblarimga, ayniqsa samimiyat va mehmondo‘stlik uchun barcha Dehqonobod tumani ahliga chin yurakdan minnatdorlik bildiraman.
Afsusdaman, barchangizdan uzr so‘rayman hali qilinadigan ishlar juda ko‘p edi, qayerdadir tugallanmagan ishlarimiz qoldi, o‘ylaymanki, yangi hokimimiz bu ishlarni davom ettiradi.
Menga bergan amaliy yordamingiz, qo‘llab-quvvatlaganingiz, umuman, hamma hammasi uchun yana bir bor rahmat sizlarga. Yaratgan egam barchangizni o‘z panohida asrasin, — deydi tumanning sobiq hokimi Akrom Sulaymonov.
Izoh (0)