Futbol bo‘yicha Fransiya va Italiya chempionati uchrashuvlari 3-mart, yakshanba kuni bo‘lib o‘tdi.
Abduqodir Husanov harakat qiladigan “Lans” jamoasi “Lion” mehmoni bo‘ldi. Uchrashuvning 43-daqiqasida Sotoka hisobni ochdi. Ikkinchi bo‘lim boshida Vai penaltidan gol urib, hisobni 0:2 ko‘rinishiga olib keldi. O‘yin so‘nggida Kevin Danso uchinchi golni urib, jamoasi g‘alabasini ta’minladi.
O‘zbekistonlik futbolchi Husanov 87-daqiqada o‘yinga qo‘shildi.
Italiya A seriyasining 27-turida “Kalyari” “Empoli” mehmoni bo‘lib, 0:1 hisobida zafar quchdi. O‘yindagi yagona golni 69-daqiqada Yankto urdi.
Eldor Shomurodov 87-daqiqada Gaetanoning o‘rniga zaxiradan maydonga tushdi.
“Kalyari” jamoasi ushbu g‘alabadan so‘ng turnir jadvalida 18-o‘rinda bormoqda.
A Seriya
27-tur bahsi
3-mart, yakshanba
“Empoli” — “Kalyari” 0:1
Gol: 0:1 – 69 Yankto.
“Empoli”: Kaprile, Ismayli, Luperto, Valyukevich (Cherri, 81), Kakache (Pessella, 72), Kovalenko (Jasi, 72), Marin, Male, Kambyagi, Kancheleri (Fassini, 72), Destro (Nyang, 58).
“Kalyari”: Skuffet, Mina, Dossena, Aujello (Assi, 78), Yankto (Veteska, 77), Deyola, Makumbu, Gaetano (Eldor Shomurodov, 87), Nandes, Lapadula (Mutandva, 87), Luvumbu (Zappa, 32).
Ogohlantirishlar: Gaetano (17), Mina (79), Skuffet (85).
“Lion” — “Lans” 0:3
Gollar: 0:1 – 43 Sotoka, 0:2 – 53 Vai (penalti), 0:3 – 87 Danzo.
“Lion”: Antoni Lopesh, Chaleta-Sar, O‘brayen, Talyafiko, Matich, Mangalya (Fofana, 61), Kakre, Meytlend-Naylz, Benrahma (Balde, 77), Nuama (Mata, 86), Orban (Sherki, 61).
“Lans”: Samba, Agilyar, Gradi (Abduqodir Husanov, 87), Danzo, Medina, Frankovski, Mendi (Abdul-Samed, 73), David Koshta (Tomasson, 73), El-Enaui, Sotoka, Vai (Said, 79).
Ogohlantirishlar: Gradi (29), Danzo (83).
Chetlatish: Meytlend-Naylz (84).
Izoh (0)