Farg‘ona viloyati Qo‘qon shahrida olib qochilgan Nexia-2 rusumli avtomashina pachoqlangan holda topildi, deb xabar beradi viloyat IIB axborot xizmati.
Qayd etilishicha, 5-yanvar kuni Qo‘qon shahrida yashovchi fuqaroga tegishli Nexia-2 rusumli avtomashina Qo‘qon shahar Sarboz ko‘chasida olib qochilgan. Olib borilgan tergovga qadar tekshiruv harakatlari davomida, mazkur jinoyatni 24 hamda 21 yoshli Qo‘qon shahrida yashovchi Sh.S. va A.S. sodir etgani aniqlanib ushlangan.
Mazkur holat yuzasidan Jinoyat kodeksining 267-moddasi (transport vositasini olib qochish) 2-qismi “b” bandi bilan jinoyat ishi qo‘zg‘atilgan.
Bundan oldin Farg‘onada “moyka” xodimi Jizzaxdagi sevgan qizini ko‘rgani borish uchun o‘zganing Lacetti’sini minib qochgani, Toshkentdagi mashina yuvish shoxobchasidan olib qochilgan Nexia-3 Andijondan topilgani to‘g‘risida xabar berilgandi.
Izoh (0)