Qashqadaryo viloyatining Shahrisabz tumanida isteʼmolga yaroqsiz yog‘ ishlab chiqarayotgan yashirin sex aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.
Maʼlum qilinishicha, o‘tkazilgan tezkor tadbirda fuqaro F.U. o‘ziga tegishli bo‘lgan noturar obyektda tashkil etgan yashirin sexda isteʼmolga yaroqsiz yog‘ mahsulotlarini ishlab chiqarayotganligi aniqlanib, 100 litr qo‘lbola yog‘, 2 360 kg chigit, 5 dona elektr dvigatel va ishlab chiqarishda foydalanilgan boshqa tovar moddiy boyliklar ashyoviy dalil sifatida olingan.
Mazkur holat yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)