Samarqand viloyati Paxtachi tumanida isteʼmolga yaroqsiz yog‘ ishlab chiqarayotgan xonadon aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Paxtachi tuman bo‘limi tomonidan tezkor tadbir o‘tkazilgan. Tadbirda “Bo‘ston” MFYdagi xonadonda yashovchi M.A. o‘z uyining yordamchi xo‘jaligida yashirin sex tashkil etib, qo‘lbola usulda yog‘ ishlab chiqarish bilan shug‘ullanib kelgani aniqlangan. Xonadondan 540 litr isteʼmolga yaroqsiz yog‘, 1 790 kilogramm paxta chigiti va boshqa ishlab chiqarishda foydalanilgan tovar-moddiy boyliklari ashyoviy dalil sifatida olingan.
Mazkur holat yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
- Surxondaryoda ham iyun oyida iste’molga yaroqsiz yog‘ mahsulotlari muomalaga kiritilishining oldi olingandi.
- Xorazmda bo‘lsa inson sog‘lig‘i uchun xavfli spirtli ichimliklarni tayyorlab kelgan shaxs faoliyatiga chek qo‘yilgani,
- Namanganda 550 million so‘mlik dori vositalari yo‘q qilingani to‘g‘risida xabar berilgandi.
Izoh (0)