Қашқадарё вилоятининг Шаҳрисабз туманида истеъмолга яроқсиз ёғ ишлаб чиқараётган яширин цех аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
![](/static/2024/03/01/2024-03-01 21.17.35-uNTXJWkV.jpg)
Маълум қилинишича, ўтказилган тезкор тадбирда фуқаро Ф.У. ўзига тегишли бўлган нотурар объектда ташкил этган яширин цехда истеъмолга яроқсиз ёғ маҳсулотларини ишлаб чиқараётганлиги аниқланиб, 100 литр қўлбола ёғ, 2 360 кг чигит, 5 дона электр двигатель ва ишлаб чиқаришда фойдаланилган бошқа товар моддий бойликлар ашёвий далил сифатида олинган.
Мазкур ҳолат юзасидан Жиноят кодексининг 186-2-моддаси (чигитдан олинадиган маҳсулотни қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.