Marhum siyosatchi Aleksey Navalniyning jasadini cherkovga olib borishga bironta ham dafn mashinasi rozi emas. Bu haqda 29-fevral, payshanba kuni X ijtimoiy tarmog‘ida muxolifatchining matbuot kotibi Kira Yarmish ma’lum qildi.
Uning so‘zlariga ko‘ra, noma’lum shaxslar dafn marosimi idoralaridan Alekseyning jasadini hech qayerga olib ketmaslikni talab qilib, tahdid qilgan.
Avvaliga Aleksey bilan vidolashish uchun dafn zalini ijaraga olishimizga ruxsat berishmadi. Endi cherkovda shunchaki dafn marosimi o‘tkazish kerak bo‘lganda, marosim agentlari bizga jasadni u yerga olib borishga bironta ham dafn mashinasi rozi emasligini aytdi. Noma’lum shaxslar barcha brigadalarga qo‘ng‘iroq qilib, Alekseyning jasadini hech qayerga olib bormaslikni aytib, tahdid qilmoqda, — deb yozgan Yarmish.
Shu bilan birga, ushbu post ostida o‘z sharhlarini qoldirgan bir qator foydalanuvchilar qahramonni qo‘lda olib borishni taklif qilgan. Muxolifatchining hamrohlari Navalniyning dafn marosimi 1-mart kuni soat 14.00 da Moskvadagi Borisovski qabristonida bo‘lib o‘tishini aytgan.
Izoh (0)