Bangladesh poytaxti Dakkadagi restoranda sodir bo‘lgan yong‘in oqibatida kamida 44 kishi halok bo‘ldi, 20 kishi jarohatlandi. Bu haqda Dhaka Tribune xabar berdi.
Xabarga ko‘ra, yetti qavatli savdo markazining birinchi qavatidagi restoranda yong‘in sodir bo‘lgan. Bunga oshxonada joylashgan ballonlardan gaz sizib chiqishi sabab bo‘lgan. Voqea joyida 13 ta o‘t o‘chirish brigadasi ishlagan, ikki soat ichida yong‘in qurshab olingan.
Qutqaruvchilar 75 ga yaqin odamni evakuatsiya qilgan, ularning aksariyati hushsiz holatda. Odamlar tutun tufayli binoni tark eta olmagan. Qurbonlarning aksariyati restoran xodimlari, jumladan, oshpaz va uning yordamchisi, halok bo‘lganlar orasida kamida to‘rt nafar bola ham bor.
Izoh (0)