25-fevral kuni bo‘lib o‘tgan La Liga doirasidagi uchrashuvda madridliklar 1:0 hisobida g‘alaba qozondi.
Ushbu uchrashuvning ikkinchi bo‘limida bosh hakam jarohat sabab zaxiraga olindi. Isidro Dias de Mera o‘rniga zaxira hakami Karlos Fernandes Buerga bosh hakam sifatida o‘yinga tushirildi.
La Liganing sobiq hakami X (sobiq Twitter) ijtimoiy tarmog‘idagi postida aytishicha, zaxira hakamining VAR sistemasida ishlash uchun tegishli ruxsatnomasi bo‘lmagan.
“Hozir qiziq holat bo‘lmoqda. ‘Sevilya’ aynan shu hakam boshqargan daqiqalarni qayta o‘ynashni so‘rab murojaat qilishi mumkin, sababi u VAR tizimi ishlaydigan uchrashuvlarni boshqarishga litsenziyasi yo‘q. Shunga qaramay zaxira hakam uchrashuvni yaxshi boshqardi, bunga federatsiyaning reglamenti nima derkan?” — deydi Estrada Fernandes.
Eslatib o‘tamiz, uchrashuvda madridliklar Modrichning goli evaziga g‘alaba qozondi va peshqadamlikni mustahkamlab oldi.
Izoh (0)