Eronning “Istiqlol” klubida faoliyatini boshlagan va birinchi uchrashuvdayoq “Malavan” darvozasiga gol urishga muvaffaq bo‘lgan Jaloliddin Masharipov Instagram sahifasidagi jonli efir davomida o‘sha Qatar bilan penaltilar seriyasiga ham to‘xtalib o‘tdi.
“Menga ijtimoiy tarmoqlardan bu haqida juda ko‘pchilik yozdi. Qatarga qarshi kechgan penaltilar seriyasi borasida haligacha tanqidlarni ko‘ryapman. Hayron qolyapman, sizlarning xayolingizga qayerdan keladi bu gaplar? Qanaqa qilib vatanni sotish mumkin? Iltimos, ozgina farosatni ishlatingizlar. Hayotda mehnat qilib ko‘rmagansizlar.
Xudoga shukur, ota-onamiz harom luqma bilan boqishmagan va bizga ham buni o‘rgatishmagan”, — dedi Masharipov.
Eslatib o‘tamiz, O‘zbekiston terma jamoasi chorak finalda Qatar termasiga qarshi uchrashuvda mag‘lubiyatga uchrab, Osiyo Kubogida o‘z “yurish”ini to‘xtatgan edi.
Izoh (0)