Bugun, 18-fevral kuni Ispaniya La Ligasining 25-turidan o‘rin olgan uchrashuv bo‘lib o‘tdi va unda “Rayo Valyekano” hamda “Real Madrid” klublari to‘qnash keldi. O‘yin Madriddagi “Kampo de Valyekas” stadionida bo‘lib o‘tdi. Uchrashuv 1:1 hisobida yakunlandi.
Uchrashuvning uchinchi daqiqasidayoq Xoselu “qirollik” klubini oldinga olib chiqdi. 27-daqiqada “Rayo Valyekano” hujumchisi Raul de Tomas penaltini golga aylantirib, hisobni tenglashtirdi. Uchrashuvning qo‘shimcha daqiqalarida ikki marta ogohlantirilgan Karvahal o‘z sheriklaridan oldin maydonni tark etdi.
Ayni damda Ispaniya chempionatida o‘tkazilgan 25 uchrashuvdan so‘ng, “Real Madrid” 62 ochko bilan chempionat peshqadami bo‘lib turibdi. “Rayo Valyekano” 25 ochko bilan 14-o‘rinda bormoqda.
La Liga
25-tur bahsi
18-fevral, yakshanba
Gollar: 0:1 – 3 Xoselu, 1:1 – 27, De Tomas.
“Rayo Valyekano” – Dimitriyevski, Baliu, Lejen, Aridane, Espino, Palason (De Frutos, 56), Garsiya (Kamelyo, 82), Unai Lopes (Kike Peres, 64), Oskar Valentin, Trexo (Kreshpu, 64), de Tomas (Falkao, 81).
“Real Madrid” – Lunin, Nacho, Tchuameni, Fran Garsiya, Modrich (Gyuler, 87), Valverde, Braim Dias (Rodrigo, 70), Kamavinga (Kroos, 70), Vaskes (Karvaxal, 75), Vinisius Junior, Xoselu.
Ogohlantirishlar:
Palason (45), Baliu (45), Kamavinga (61), de Tomas (81), Garsiya (82), Karvaxalь (90).
Chetlatish: Karvaxal (90).
Izoh (0)