Superliga va Proliga jamoalarining matbuot xizmati xodimlari uchun o‘tkazilgan seminarda qatnashgan Championat.asia sayti bosh muharriri Narzulla Saydullayevning xabar berishicha, Superliga jamoalarining birortasi fotosessiyada ishtirok etmagan. Bunga sabab ularning yangi mavsum uchun liboslari tayyor emas.
“Daryo” nashri PFL matbuot bo‘limi bilan bu masalada bog‘landi. Manbaning fikriga ko‘ra, jamoalarning liboslari tayyor, ammo ba’zi juz’iy kamchiliklar mavjud. Masalan, ba’zi jamoalarda futbolchilar raqami va ismi yopishtirishga ulgurishmagan. Jamoalarning fotosessiyada qatnashishi zarur, chunki aynan shu rasmlar uchrashuv anonslari, videorolik va posterlarda ishlatiladi.
“Superliga jamoalari birinchi turgacha yangi liboslarni tayyorlashga ulgurishadi, ammo barchasi ham fotosessiyaga ulgurmasligi mumkin”,— deydi “Daryo”ning PFLdagi manbasi.
Izoh (0)