Buyuk Britaniyadan Markaziy Osiyoga eksport qilinayotgan dron uskunalari va og‘ir muhandislik mahsulotlari keyinchalik Rossiyaga jo‘natilmoqda. Sky News o‘zining tegishli tahlilini e’lon qildi.
Tahlilga ko‘ra, 2022-yil fevralida Ukrainada urush boshlanganidan keyin Britaniyaning Rossiyaga eksporti keskin pasaygan. Bungacha Britaniya eksportining muhim qismini avtotransport va mexanizmlar tashkil etgan.
Sanksiyalar kiritilgandan so‘ng, mazkur tovarlar Britaniyadan Rossiyaga kira olmaydi. Ammo Britaniyaning daromad va bojxona boshqarmasi ma’lumotlari shuni ko‘rsatadiki, ayrim postsovet mamlakatlariga eksport 2022-yildan boshlab keskin oshgan.
“Britaniyadan Qirg‘izistonga eksport 1100 foizga o‘sgani nihoyatda hayratlanarli”, — deydi Sky News iqtisod va maʼlumotlar bo‘limi muharriri Ed Konuey.
Tahlil Britaniyaning yashirin iqtisodiyotdagi ishtirokini ko‘rsatadi, bu esa Rossiya qurolli kuchlarini Ukrainaga qarshi qo‘llanilgan qurollar uchun ehtiyot qismlar va jihozlar bilan ta’minlashga yordam beradi.
Sanksiya rejimini buzish nuqtayi nazaridan Britaniya tovarlarini boshqa mamlakatlardan Rossiyaga jo‘natish “kulrang zona” hisoblanadi.
“Britaniya eksportchilariga kelsak, ular Qirg‘izistonga, Armanistonga jo‘natadi. Keyinchalik bu tovarlar potensial yetkazib beriladi”.
“Kulrang eksport” muammosiga duch kelgan Yevropa Ittifoqi urushda rus qurollari qismlarida aniqlangan 45 ta “umumiy ustuvor tovarlar” ro‘yxatiga ega.
Sky News tahlili shuni ko‘rsatadiki, hujjatlarga asosan Britaniyaning to‘rtta Kavkaz va Markaziy Osiyo davlatlariga urushda qo‘llash mumkin bo‘lgan tovarlar eksporti urush boshlanganidan beri 500 foizdan ko‘proqqa oshgan.
Britaniya hukumati bunga javoban sanksiyalar rejimiga rioya etilishini ta’minlash ustida ish olib borayotganini bildirdi.
“Ammo shunisi aniqki, buni sizish yoki oddiygina ishlamay qolgan tizim deb ataysizmi, bu tovarlarning katta qismi to‘g‘ridan to‘g‘ri Buyuk Britaniyadan Rossiyaga kirib kelmoqda”, — deyiladi xabarda.
Britaniya urush boshlanganidan beri Rossiyaga qarshi qator sanksiyalar kiritdi va o‘tgan hafta Aleksey Navalniy vafot etgan koloniyaning olti qo‘mondoniga nisbatan cheklovlar joriy etdi. Uning o‘limiga aloqadorligini rad etuvchi Moskva buni Britaniya tomonidan “ikkiyuzlamachilik” deb atadi.
Izoh (0)