Rassel Krou People nashriga bergan intervyusida “Robin Gud” (2010) filmini suratga olish vaqtida oyoqlarini sindirib olgani haqida so‘zlab berdi. Kaskadyorlik sahnasi tugagach, aktyor yurishda qiynaladi va kuchli og‘riqni his qiladi, ammo Krou hamkasblariga jarohati haqida indamaydi va shunchaki ishlashda davom etadi.
Sakrash sahnasini bajarishdan avval aktyor balandlik xavfli ekanini hisobga olmagan, atrofdagi aktyor va ishchilar ham sakrash joyiga maxsus yumshoq qatlam to‘shamagan. Rassel zarbani yumshatish uchun oyoq barmoqlari bilan yerga sakramoqchi edi, lekin afsuski, tovoni bilan tushdi. O‘sha daqiqa uning oyoqlari elektr toki urishiga o‘xshash og‘riqni his qildi.
Bu voqeadan so‘ng suratga olish ishlari yana bir oy davom etadi. Aktyorning oyog‘i og‘risa ham bu haqda hamkasblariga xabar qilmaydi va dam olmay ishlashda davom etadi.
Oradan 10 yil o‘tgach, Krou oyog‘idagi og‘riqlar sabab shifokorga murojaat etadi. Bunga sabab uzoq vaqt sport bilan shug‘ullanmaslik bo‘lishi mumkin, deya taxmin qilgandi.
Shifokorlar aktyorning rentgen va MRT tahlillariga ko‘ra uning oyoqlari singanini tasdiqladi.
“Filmning oxirgi pallasigacha singan oyoqlarim bilan o‘ynagan ekanman. Bularning bari san’at uchun edi. Hech qanday gips, shina, og‘riq qoldiruvchi dorilarsiz oyoqlarim o‘z-o‘zidan tuzalib ketgan ekan”, — deya qo‘shimcha qiladi Oskar sohibi.
Izoh (0)