Рассел Кроу People нашрига берган интервьюсида “Робин Гуд” (2010) фильмини суратга олиш вақтида оёқларини синдириб олгани ҳақида сўзлаб берди. Каскадёрлик саҳнаси тугагач, актёр юришда қийналади ва кучли оғриқни ҳис қилади, аммо Кроу ҳамкасбларига жароҳати ҳақида индамайди ва шунчаки ишлашда давом этади.
Сакраш саҳнасини бажаришдан аввал актёр баландлик хавфли эканини ҳисобга олмаган, атрофдаги актёр ва ишчилар ҳам сакраш жойига махсус юмшоқ қатлам тўшамаган. Рассел зарбани юмшатиш учун оёқ бармоқлари билан ерга сакрамоқчи эди, лекин афсуски, товони билан тушди. Ўша дақиқа унинг оёқлари электр токи уришига ўхшаш оғриқни ҳис қилди.
Бу воқеадан сўнг суратга олиш ишлари яна бир ой давом этади. Актёрнинг оёғи оғриса ҳам бу ҳақда ҳамкасбларига хабар қилмайди ва дам олмай ишлашда давом этади.
Орадан 10 йил ўтгач, Кроу оёғидаги оғриқлар сабаб шифокорга мурожаат этади. Бунга сабаб узоқ вақт спорт билан шуғулланмаслик бўлиши мумкин, дея тахмин қилганди.
Шифокорлар актёрнинг рентген ва МРТ таҳлилларига кўра унинг оёқлари синганини тасдиқлади.
“Фильмнинг охирги палласигача синган оёқларим билан ўйнаган эканман. Буларнинг бари санъат учун эди. Ҳеч қандай гипс, шина, оғриқ қолдирувчи дориларсиз оёқларим ўз-ўзидан тузалиб кетган экан”, — дея қўшимча қилади Оскар соҳиби.
Изоҳ (0)