Nyu-York shtati bosh prokurori Letitsiya Jeyms AQSHning sobiq prezidenti Donald Tramp firibgarlik ishi bo‘yicha taxminan 355 million dollar jarima to‘lamasa, uning aktivlarini musodara qilishni talab qiladi. Bu haqda ABC News xabar bermoqda.
“Agar Trampning jarimani to‘lash uchun mablag‘i bo‘lmasa, biz qarorni ijro etish uchun sudga murojaat qilamiz va uning mol-mulkini hibsga olishni so‘raymiz”, — dedi prokuror telekanalga bergan intervyusida.
Uning so‘zlariga ko‘ra, musodara jazosi Uoll-Stritda joylashgan Trampga tegishli osmono‘par binoga nisbatan qo‘llanishi mumkin.
16-fevral kuni Nyu-York sudi Trampni aktivlarni baholashda firibgarlik bo‘yicha aybdor deb topdi va uni taxminan 355 million dollar to‘lashga majbur qilgandi.
Shuningdek, sudya Trampga Nyu-Yorkdagi istalgan korporatsiyada uch yilgacha xodim yoki direktor sifatida ishlashni taqiqlagan.
Izoh (0)